Schweizer Kinderlieder

Teil 2

Schweizer Kinderlieder

„D’ZYT ISCH DA!“ 
Di schönschte schwiizer Chinderlieder von Toby Frey und Viviane Dommann

ISBN 3-9522312-0-7

Räge Rägetröpfli

Räge Rägetröpfli,es rägnet uf mys Chöpfli.

||:Wänn’s rägnet werded d’Blüemli nass und alli Steinli uf de Gass.:||

O du Goldigs Sünneli

O du Goldigs Sünneli tuen doch wider schyne!

Bitte blib de ganz Tag da, dass mir chönd veruse gaa!

O du Goldigs Sünneli tuen doch wider schyne!

Häsli i de Gruebe

Häsli i de Gruebe, sitzt und schlaft. Sitzt und schlaft.

Oh, arms Häsli, bisch du chrank, dass du nüme gumpe chasch?

Häsli gump! Häsli gump! Häsli gump!

Alli mini Äntli

Alli mini Äntli schwümed uf em See,

schwümed uf em See, d’Chöpfli händs im Wasser, d’Schwänzli tüends i d’Höh.

Rössli lauf Galopp!

Hopp, hopp, hopp, Rössli lauf Galopp!

Über Stock und Stei und Grabe muess das Rössli wyter trabe,

hopp, hopp, hopp, Rössli lauf Galopp!

`S chrüücht es Schnäggli

`S chrüücht es Schnäggli, `s chrüücht es Schnäggli `s Bergli uf, `s Bergli uf,

äne wider abe, äne wider abe, uf em Buuch, uf em Buuch.

Es schneielet, es beielet

Es schneielet, es beielet, es gaat en chüele Wind

und d‘Maitli leged d‘Händsche aa und d`Buebe laufed gschwind.

Es schneielet, es beielet, es gaat en chüele Wind,

es früüred alli Vögeli und alli arme Chind.

Es schneielet, es beielet, es gaat en chüele Wind,

ich han es Stückli Brot im Sack, das ghört am ärmschte Chind.

Es schneielet, es beielet, es gaat en chüele Wind,

Es flüüged wiisli Vögeli ufs Chäppli jedem Chind.